For all the loners like me.... :)
Shaam ke dhundhalke mein
Subah ki nami thi
Sab kuch tha mere pass
Phir bhi kuch kami thi.
Man mein umadta ek toofan tha
Hulchul thi,
Jaane main kyon shaant tha
Per man kahan maanne wala tha
Wo to ab sab kuch jaane wala tha
Lekin kitna andhera tha
Sitare kahan,jugnuyon ka basera tha.
Reh reh kar lamhon ke panne ulat rahe the
Samay ke aaine mein hum khud ko dekh rahe the
Har lamhe mein ek tasveer thi
Wo tasveeren kitni sajeev thin.
Gum tha,khushi thi
Umang tha,hanshi thi
Per har tasveer mere dil ke kareeb thi.
Lamhon ke panne mein
Jindagi ulat raha tha
Aaj mera jeevan
Lamhon mein simat raha tha
Wo dekho
Main maa ka aanchal tatol raha tha
Pita ki ungli pakde
khusiyan bator raha tha.
Bhai paas tha
Behan saath thi
Dost bhi kareeb the
Har raat diwali ki raat thi.
Samay ki dhool mein
Sab kuch dhak gaya
Jaane wo lamha
Mujhse kab chin gaya
Aaj main hoon,mera akelapan hai
Jaane kis uljhan mein ye jeevan hai
Saamne itni badi jindagi padi hai
Per jaane kyon ,mujhe beete lamhon ki padi hai.
Un lamhon mein masoomiyat thi, bholapan tha
Paraye rishton mein bhi apnapan tha
Aaj kahani bilkul ulat hai
Swarth se har ek jeevan rat hai
Pehle har lamhe mein "abhinav" jeevan dikhta tha
Aaj poora jeevan ek lamha dikhta hai.
AKJ
Subscribe to:
Post Comments (Atom)
waah yaar.... tum aansu le aaya meri aankhon meon :(
ReplyDeletetoo good... zabardast... i have no words
"Pehle har lamhe mein "abhinav" jeevan dikhta tha , Aaj poora jeevan ek lamha dikhta hai."
ReplyDelete-------------
The lines are so thought provoking .
Jeevan k her ek lamhon ko "avhinav " bana laynay ke kaala is rare . Very often we get bogged down by our baises and limits we sem to forget " Jeevan chann vangur " hai , aur her ek pal ko "nayay jeevan ke roop " may dekhna aur celebrate kerna he akliyathai ;->
--------------
I remember a famous quote by PEARL BUCK
"Inside myself is a place where I live all alone and that's where you renew your springs that never dry up. "
---------
ps: So proud of you ;)
baba aap to machaye pade hai........kya kar rahe ho yaar........itna dhaakad likhega to kaise chalega????:) bahut badhiya bhai....
ReplyDeleteBaba > bhayanak(read more than bhayanak).Jio
ReplyDeletelast line are divine superb..Bhasha saral hai evam bhav spast hain lekin ek suggestion dena chahunga thoda sa brief karo poem ko.
thnks brothers.....
ReplyDelete@amitabh....dhyan rakhenge baba agli baar se...