आवाज़...!!!!

Chitkaar kar, Hoonkar kar
Aasmaan ko paar kar
Sooraj ki aankhon mein aankhen daal
aankhen laal kar.

Hat na piche
Chahe koi bhi kiche
Saarthi ban jeevan ka
Kathin raaste paar kar.

Aag jala sine mein
Doob kar pasine mein
Tu bhi apni kashti paar kar
Ja, Apne sapne saakar kar.

Khol man ke darwaaze
Sun chikhti chillati aawazen
Aawazon se aawaz mila
Kamjoriyon ki neeben hila
Uth, Jeevan yun na bekaar kar
Aage badh, lalkaar kar
Jeet ki jay jay kaar kar.

Andar baitha hai tere wo aahankaar
Kar raha teri shakti taar taar
Nikaal bahar,Man ko saaf kar
Us "Nirakar" ke liye dil ko taiyaar kar.

Aaj kamjoriyon par parcham lehrana hai
Har andhere ko door bhagana hai
Unchaiyon se tu dar mat
Chad ja, sab kuch thokar maar kar.

Swarg ki iccha karna hai bekaar
Mushkilon mein hi hai apna sansaar
"Abhinav" raaste taiyaar kar
Ja,"Khuda" se jaakar didar kar.


AKJ