I never realized I coined all these verses on my own....thanks to my dear friend who forced me to update my blog finally after 2 years...

Read and enjoy...tales of my heart...my thoughts through poetry...



Manjilen nayin , raaste naye
Afsano ke silsile naye
hum chalte gaye
Sapno ki ladi bunte gaye
Aaj kinara aa gaya......Ab hum chalenge
Ek nayi kahani likhenge..
Piche jo chut gaya ..Wo kahani dil mein samayi hai...
Per aage badhna hi ek sacchai hai....

Beete lamhon ki yeh sifarish hai
Bheege mausam ki bhi yahi saazish hai
Aaj naa jao humen yun chod kar
Bahakte man ki bhi yahi guzaarish hai.

Aapki bojhil palken....ek kahani kehte hain....
Humen maloom hain...inme hum hi rehte hain.


Soch rahi hun agar keh diya hota, to kya baat hoti
Pyar hota ya takraar hoti....
Kuch bhi hota...dil se dil ki baat to hoti...

Un beetein lamhon mein ulajhta jaa raha hun
Aapke pyar mein bikharta ja raha hoon...
Aao apni bahaon mein samet lo mujhe...
Intezaar mein har pal mit ta ja raha hoon...

Teri justajoo mein har din har raat gujre
Tere pyar mein har lamha har saal gujre..
Tujh mein wo baat hai....ke dil mein na chain hai naa karaar hai...
Chahat to bas itni hai...ke teri ulfat mein ab sab kuch naagwaar gujre...

Ek daastan hai....sunayun kaise.....
Hanste hue chere per...dard layun kaise...
Tum the to sab kuch tha.....ab aasman ko zameen se milayun kaise....

Jaane kabse...
Aapke chere per wo mushkurahat nahi dekhi...
Aapki harkaton mein wo shararat nahi dekhi........
Kabhi to har baat per mere aap aahen bhara karte the.....
Jaane kabse humne wo nazakat nahi dekhi.....

Sacche pyar ki talash thi...saare jhoote mile..
Mithe phal ki aas thi..saare ke saare kache mile.

AKJ